Chema absolviçom!

Posted on by

Anteontem, sábado 10 de julho, apresentou-se o grupo de apoio ao Chema Naia. Este jovem independentista será julgado o 20 de dezembro por participar na manifestaçom em repulsa ao despejo do centro social okupado Escárnio e Maldizer que tivo lugar em Compostela o 30 de maio de 2017.

Esse dia, os «antidistúrbios» da Polícia espanhola carregárom contra umha manifestaçom até entom pacífica pouco depois da sua saída. Nessa primera cárrega, o Chema foi golpeado na cabeça com umha porra polos mercenários espanhóis, ficando inconsciente no chão. Posteriormente, algumhas das manifestantes defendêrom-se legitimamente da violência policial espanhola, com o lançamento de pedras e botelhas, levantamento de barricadas, etc. O Chema nom participou em nenhum momento nos distúrbios, pois estava inconsciente no chão, custodiado pola Polícia espanhola, como demostram os vídeos desse dia.

Agora, o Chema enfrenta-se a umha petiçom de 4 anos e meio de prisom, e 4.000 euros em conceito de «responsabilidade civil», polos delitos de «lesions» e «atentado contra a autoridade».

Desde Zua manifestamos a nossa total solidariedade com este militante independentista, exigindo a sua absolviçom, e denunciamos esta nova montagem policial contra a dissidência política galega.

Fazemos um chamamento a somar-se à campanha solidária, apoiando as diferentes iniciativas que se levem a cabo.

Se tocam a umha, tocam-nos a todas!
Chema absolviçom!
Stop montagens policiais!